Белай Руссю край мой клічуць,

                                                                   Краем сосен і бяроз,

                                                                   Край, дзе жураўлі курлычуць,

                                                                    Я люблю, люблю да слёз.

       27 верасня ў нашым дзіцячым садзе прайшла забава “Восень на Беларусі”. Ветліва сустракалі гасцей у святочна ўбранай зале Лявон і Лявоніха. Не з пустымі рукамі завіталі да іх госці, а з поўнымі кошыкамі дароў восені. Гэта духмяныя яблыкі і грушы, сакавіты вінаград, вітамінныя морква і капуста,   уражайныя бульба і буракі, таўстабокія кабачкі. У гасцях у Лявона і Лявоніхі песнямі і вершамі славілі дзеці родны край. Пачуўшы вясёлы гоман, у музычную залу завітала Васень з падарункамі.  Разам з Восенню дзеці гулялі і танчылі, спаборнічалі ў хуткасці і кемлівасці. А напрыканцы забавы атрымалі смачныя пачастункі.