“Апусцела поле, нівы адцвілі…”
Пад такою назвай прайшла забава ў нашым дзіцячым садзе. І сапраўды – за акном поздняя восень, даўно сабралі ўраджай працаўнікі вёскі. А наша забава была прысвечана цудоўнай агародніне- бульбе! Недарэмна ж яна для беларусаў “другі хлеб”. І не толькі хлеб, якіх толькі страў з яе не гатуюць!
Аб карысных і смакавых якасцях бульбы нашы дзеці расказалі вершы, праспявалі вясёлыя частушкі. А яшчэ і танец “Бульба” станчылі.
Як дзеці ўмеюць дапамагаць дарослым - мы змаглі ўбачыць у гульнях-эстафетах “Пасадзі і збяры бульбу”, “Перанясі бульбу”, дзе прадэманстравалі лоўкасць і спрыт. Можна ўпэўнена сказаць, што атрымалася цудоўнае свята бульбы. І яна яго вартая!