Дзеці вельмі любяць збіраць і разбіраць якія-небудзь рэчы. А асабліва ім падабаецца будаваць разнастайныя збудаванні пры дапамозе дэталяў з канструктара. Такія заняткі для любога дзіцяці не толькі пазнавальныя, але і карысныя. Падчас канструявання ў выхаванцаў развіваецца вобразнае мысленне, уяўленне, памяць, удасканальваюцца гульнявыя навыкі, фарміруюцца ўменні змяняць пабудовы, надбудоўваючы ці замяняючы адны дэталі іншымі, развіваецца ўменне разам рабіць агульную справу.