23 лютага ў нашым садзе прайшло святкаванне Дня абаронцаў Айчыны. З мэтай выхавання ў дзяцей пачуцця гонару за Радзіму, за слаўных абаронцаў Айчыны, якія стаяць на варце міру і спакою роднай краіны, праведзены гульні-заняткі, гутаркі, падрыхтаваны святочныя паштоўкі сваім татам, праведзена музычна-фізкультурная забава “Віншуем Абаронцаў Айчыны”. Падзяліўшыся на дзве каманды, “Зорка” і “Ракета”, выхаванцы прынялі ўдзел у займальных конкурсах і эстафетах. Дзеці паказалі свой спрыт, хуткасць, кемлівасць, праявілі актыўнасць, падаравалі адзін аднаму добры настрой, радасць зносін.