Згодна з артыкулам 17 Канстытуцыі Рэспублікі Беларусь, на падставе артыкула 82 Кодэкса Рэспублікі Беларусь аб адукацыі ад 13.01.2011 г.: па стане на 1 верасня 2022 г. са зменамі, унесенымі Законам Рэспублікі Беларусь ад 14 студзеня 2022г. №154-З асноўнымі мовамі навучання і выхавання з’яўляюцца дзве дзяржаўныя мовы Рэспублікі Беларусь: руская і беларуская.
Адна з мэт дашкольнай адукацыі, гэта фарміраванне ўстойлівай цікавасці і станоўчых адносін да беларускай мовы, жадання авалодаць ёю.
Далучэнне да роднай мовы садзейнічае не толькі ўзбагачэнню мовы дзяцей дашкольнага ўзросту, але і развівае іх пазнавальныя і інтэлектуальныя магчымасці, пашырае веды пра беларускую культуру.
У нашай установе дашкольнай адукацыі адукацыйны працэс адбываецца на беларускай мове. На роднай мове праходзяць заняткі, святы, гульні, віктарыны і іншыя мерапрыемствы, а таксама паўсядзённыя зносіны педагогаў і дзяцей, што садзейнічае фарміраванню ў выхаванцаў цікавасці і станоўчых адносін да роднай мовы, краіны, вытокаў культуры беларускага народа.