10 кастрычніка 2018 года ў нашай дашкольнай установе прайшоў бацькоўскі сход на тэму “Узаемадзеянне дзіцячага саду і сям'і ў інтарэсах дзіцяці дашкольніка”.
Пра асноўныя напрамкі дзейнасці Дзіцячага яслі-сада в.Хомск ў 2018/2019 навучальным годзе распавядала загадчык Шыкула С.І.
З мэтай звярнуць увагу бацькоў на недапушчальнасць астаўлення дзяцей без нагляду выступіў намеснік начальніка Драгічынскага РАНС па АТР Півень Ігар Аляксандравіч. Ён паведаміў статыстыку пажараў за гэты год у нашым раёне і аб наступствах ад іх, аб адказнасці грамадзян за невыкананне правіл пажарнай бяспекі ў жылых пабудовах і на прысядзібных участках. Увазе бацькоў быў прапанаваны відэафільм “ Цана імгненні” Міністэрства надзвычайных сітуацый.
Вясёлыя музычныя хвіліны падаравалі выхаванцы сваім бацькам, прапанаваўшы ўвазе інсцэніроўку “Рэпка і мядзведзь”.