Напярэдадні Дня Маці ў нашай дашкольнай установе адбылося свята "Самая любімая мамачка мая!"     Свята прысвечана самым добрым, самым чулым, клапатлівым, працавітым і, вядома ж, самым прыгожым, - нашым мамам.  Шмат цёплых слоў прагучала ў адрас мам і бабуль ад дзетак. Мамам дзеці прысвячалі вершы, спявалі песні, танцавалі, стараліся паказаць сябе з лепшага боку ў розных конкурсах. Вельмі кранальным апынуўся музычны нумар, калі дзеці запрасілі сваіх мам на танец.   Кожнае дзіця выказвала ў сваім віншаванні ўсю сваю любоў да сваёй мамы. Было вельмі прыемна бачыць добрыя і пяшчотныя ўсмешкі мам і шчаслівыя вочы іх дзяцей!