Навагодні святочны ранішнік у дзіцячым садзе - важнае і доўгачаканае свята, у падрыхтоўку да якога ўключаны ўсе: і выхаванцы, і супрацоўнікі дзіцячага садка, і бацькі выхаванцаў. Падрыхтоўка маскарадных касцюмаў, развучванне навагодніх песняў і вершаў, упрыгожванне святочнай залы і навагодняй ёлачкі, падрыхтоўка падарункаў – гэтыя справы стваралі святочны настрой ва ўсіх удзельнікаў, спрыялі з’яднанню, дазволілі акунуцца ў казку.
Першымі святкаваць новы год завіталі самыя малодшыя выхаванцы нашага садка. Ствараць святочны настрой дапамагалі Снягурачка і Снегавік, з ролямі якіх выдатна справіліся педагогі дзіцячага сада. Дапамагчы ёлачцы зазіхацець вясёлымі аганькамі дапамог Дзед Мароз. З радасцю расказвалі дзеці Дзеду Марозу вершы, спявалі песні.
Выхаванцам сярэдняга дашкольнага ўзросту нечаканыя сюрпрызы ўладкавала Кікімара: схавала мяшок з падарункамі і хацела з’есці ўсе цукеркі. Але прыход Дзеда Мароза і Снягуркі разбурыў яе планы.
Да старэйшых выхаванцаў прыляцелі на мятле Баба Яга і Кот Марцін, таксама ласыя на прысмакі ды яшчэ з намерам забраць навагоднюю елачку. Але Дзед Мароз і Снягурачка ўратавалі і елачку, і мяшок з салодкімі падарункамі.
Цікавыя карагодныя гульні, святочныя вершы, дружныя карагоды, вясёлыя песні – усё стварала радасны, дабразычлівы настрой.