Немагчыма ўявіць жыццё дзіцяці без вясёлых забаў, шумных святаў, цікавых гульняў і займальных спаборніцтваў . Арганізацыя Дня здароўя з'яўляецца універсальным сродкам вырашэння многіх важных педагагічных задач, галоўная з якіх-гадаваць выхаванцаў здаровымі, моцнымі і жыццярадаснымі.

           6 снежня ў нашым дзіцячым садзе быў арганізаваны Дзень здароўя «Быць здаровым – гэта здорава!». А пачаўся ён з ранішняй гімнастыкі. Пад вясёлую музыку дзеці разам з Доктарам рабілі зарадку і атрымалі зарад бадзёрасці і выдатнага настрою на ўвесь дзень. На працягу дня ва ўсіх групах прайшлі заняткі і гутаркі на тэму здаровага ладу жыцця. Дзецям чыталі творы, развучвалі вершы, прыказкі, адгадвалі загадкі пра здароўе. Цікава, дынамічна і весела прайшоў спартыўна-забаўляльны вольны час «Мы здароўю скажам «Так!» З вялікім задавальненнем дзеці ўдзельнічалі ў эстафетах «Хто хутчэй перадасць цукерку», «Пінгвін з мячом», « Утрымай паветраны шарык», «Хто хутчэй на фітболе " і інш.

         Спорт і рух даставілі ўсім велізарную радасць, задавальненне і пазітыўны эмацыйны настрой. А Доктар пачаставаў усіх смачнымі і карыснымі для здароўя вітамінамі.