Усім вядома, што дашкольны ўзрост з’яўляецца самым спрыяльным перыядам для маўленчага развіцця чалавека. Асноўнай мэтай маўленчага развіцця дзяцей дашкольнага ўзросту з’яўляецца авалоданне нормамі і правіламі роднай мовы, а развіццё звязнага маўлення-адна з яго важных задач.    Эфектыўна дапамагаюць развіваць звязнае маўленне ў дзяцей дашкольнага ўзросту творы мастацкай літаратуры. Выкарыстанне беларусскіх народных казак, аўтарскіх казак і казак другіх народаў ў спецыяльна арганізаванай   сумеснай мастацка-маўленчай дзейнасці дазваляе болей эфектыўна развіваць звязнае маўленне выхаванцаў. У працэсе знаёмства з казачнымі творамі ў дзяцей актывізуецца слоўнік, удасканальваецца гукавая культура мовы, інтанацыйная выразнасць, выхаванцы вучацца будаваць сказы, пераказваць казкі, задаваць пытанні.   Выхавальнікі дашкольнай адукацыі ствараюць спецыяльныя ўмовы, якія забяспечваюць моўную актыўнасць і развіццё звязнага маўлення дзяцей дашкольнага ўзросту ў працэсе мастацка-маўленчай дзейнасці.