У нашай дашкольнай установе традыцыйна напярэдадні Міжнароднага Дня Зямлі праводзяцца тэматычныя мерапрыемствы. Яны спрыяюць фарміраванню прыродаахоўных паводзін у дзяцей. З выхаванцамі былі праведзены цікавыя экалагічныя гутаркі, трэнінгі, гульнявы занятак "Беражыце зямлю!" Дзеці стварылі калектыўны калаж “Квітней, Зямля”, распавядалі аб неабходнасці захоўваць нашу планету чыстай і прыгожай. Выхаванцы падрыхтавалі вершы аб планеце Зямля, вадзілі карагоды, адгадвалі загадкі, гулялі ў беларускія народныя гульні. А самае галоўнае, што дзеці самастойна прыйшлі да высновы – планету Зямля трэба берагчы!