Пачуццё павагі і любові да сваёй краіны мы прывіваем выхаванцам з дзяцінства.  Сення 6 мая ў нашай дашкольнай установе традыцыйна прайшлі мерапрыемствы, прысвечаныя Дню Дзяржаўнага Герба і Дзяржаўнага Сцяга Рэспублікі Беларусь.  З выхаванцамі праведзены гутаркі “Мой герб, мой сцяг, мая краіна”, “Сімвалы роднай Беларусі”, “Чаму на сцягу тры колеры і што яны адзначаюць?”, заняткі “Рэспубліка Беларусь, сімвалы дзяржавы”.

    Актыўна ўдзельнічалі выхаванцы ў віктарыне “Колеры маёй Беларусі”. З цікавасцю гулялі ў дыдактычныя гульні “Складзі сцяг”, “Які ён, наш герб?”, “Аб’яднайся”. Адгадвалі загадкі, расказвалі прыказкі і прымаўкі аб Радзіме. Нашы выхаванцы зрабілі для сябе важную выснову: кожны грамадзянін сваёй дзяржавы павінен быць патрыётам, паважаць дзяржаўныя сімвалы і ведаць гісторыю роднай краіны.