28 снежня 2022 года ў нашым дзіцячым садзе прайшлі навагоднія ранішнікі «Ёлка ў госці запрасіла» для выхаванцаў рознаўзроставай групы ад 2 да 4 гадоў і «Вясёлае свята Новы год!"для выхаванцаў рознаўзроставай групы інтэграванага навучання і выхавання. Радасны настрой для дзяцей падарылі казачныя персанажы Баба Яга, дамавы Кузя, зайчыха з зайчанятамі і вядома ж Дзед Мароз і Снягурка. Дзеці апынуліся ў свеце цудаў, прыгод і сюрпрызаў. Усе з задавальненнем праяўлялі свае таленты: танцавалі, вадзілі карагоды, расказвалі вершы, спявалі песні, гулялі. Ніхто не застаўся абыякавым. Шмат радасці і эмоцый выклікалі падарункі, уручаныя дзецям з рук самога Дзядулі Мароза! Свята атрымалася вельмі вясёлае і радаснае і пакінуў шмат прыемных уражанняў і эмоцый.
