Зіма для птушак – самая цяжкая пара года. Дзеці, педагогі і бацькі групы інтэграванага навучання і выхавання прынялі ўдзел у акцыі "Падтрымаем птушак зімой". Мэта акцыі: прыцягненне ўвагі дзяцей і дарослых да зімуючых птушак, стварэнне спрыяльных умоў для зімоўкі птушак у нашай мясцовасці. Нашы выхаванцы сваімі рукамі змайстравалі з падручнага матэрыялу кармушкі і развесілі іх на тэрыторыі дзіцячага сада. Кожны дзень дзеці імкнуцца падкарміць птушак кормам, што прыносяць з дому, а потым з цікавасцю назіраюць за птушкамі, якія прылятаюць да кармушак паласавацца пачастункам. Такая праца спрыяе развіццю пазнавальнай актыўнасці, з'яўляецца выдатнай магчымасцю праявіць спачуванне, клопат і дабрыню. Дзеці адчуваюць радасць ад усведамлення таго, што, падкормліваючы птушак, яны ратуюць іх ад голаду і холаду.