Куток прыроды ў дзіцячым садзе спрыяе пашырэнню ведаў выхаванцаў аб пакаёвых раслінах, аб неабходнасці выканання правіл паводзін у працэсе ўзаемадзеяння з імі. Даглядаючы за раслінамі, дзеці набываюць працоўныя навыкі у адпаведнасці з іх патрэбнасцямі: паліў, рыхленне, выдаленне пылу з ліставой пласціны, апырскванне. У дзяцей у працэсе працы ў кутку прыроды выхоўваюцца такія якасці, як працавітасць, адказнасць за даручаную справу, ініцыятыўнасць, развіваецца дапытлівасць, лагічнае мысленне, увага, назіральнасць.