У нашай установе адукацыі па традыцыі прайшоў “Восеньскі кірмаш”. Актыўнымі удзельнікамі сталі выхаванцы группы інтэгрыраванага навучання і выхавання. Разам з бабуляй Ганнай, якая завітала на кірмаш, дзеці вадзілі карагоды , спявалі песні “Вяселы агарод”, “ Беларусь мой дом”, “Восеньскія падарункі”, чыталі вершы, адгадвалі загадкі пра садавіну і агародніну, гулялі ў беларускія народныя гульні “ Рэпка”, “Збяры ўраджай.” Нікога не пакінулі абыякавымі беларускія народныя танцы “Бульба” і “Крыжачок”. У чарговы раз дзеці знаёміліся з гісторыяй Беларусі, яе культурай, традыцыямі, абрадамі і народнай творчасцю.