22 красавіка ў дзіцячым садзе прайшоў тэматычны дзень, прысвечаны святкаванню Дня Зямлі. Асноўная мэта якога - пашырэнне экалагічных ведаў дзяцей, выхаванне гуманнага стаўлення да прыроды і пачуцця адказнасці за ўсё жывое на нашай планеце. З выхаванцамі праведзены гутаркі “Зямля – наш дом”, “Што для планеты Зямля добра, а што дрэнна”, дзеці гулялі ў дыдактычныя гульні “Жывая – нежывая прырода”, “Так ці не?”, “Добра – дрэнна”, дзе выхаванцы распавядалі пра тое, што неабходна рабіць, каб захаваць нашу планету і што для гэтага могуць зрабіць самі дзеці. З задавальненнем усе ўдзельнічалі ў гульнях, спартыўных конкурсах і эстафетах, вадзілі карагоды, распавядалі вершы, спявалі песні.