У нашай установе адкрылася выстава “Рознакаляровая восень”.
Мэта выставы: Узбагачэнне дзіцяча-бацькоўскіх адносін, далучэнне бацькоў да адукацыйнага працэса дзіцячага сада, развіццё мастацка -эстэтычнага ўспрымання.
Удзел сем'яў у конкурсах вырабаў з прыроднага матэрыялу ўзбагачае сямейны вольны час і аб'ядноўвае дзяцей і дарослых у агульных справах. У выніку ў дзяцей выхоўваецца працавітасць, акуратнасць, увага да блізкіх, павага да працы. Гэта пачатак патрыятычнага выхавання, любові да роднага краю, навакольнай прыроды. Займаючыся разам з дзіцём, дарослы аказвае вялікі ўплыў на гарманічнае развіццё яго асобы.
Восень адарыла нас выдатнымі матэрыяламі і ідэямі для творчасці: жалудамі, каштанамі, шышкамі, рознакаляровымі кветкамі і лісточкамі, садавінай і гароднінай. Усё гэта багацце можа пайсці на стварэнне арыгінальных упрыгожванняў, пацешных цацак, аплікацый і букетаў.
Такім чынам, пара дзейнічаць!